Aıtpaqshy, alǵashqy eki matchtan keıin «EXPO 2017 Football Cup» týrnıri saltanatty túrde resmı ashylyp, ary qaraı úshinshi match Qazaqstan quramasy men Álem quramasynyń básekesimen bastalǵan.
Áý bissimillá, Andreı Bogomolov 3-mınýtta qarsylastyń qaqpasyna bir gol salyp jibergen edi. Alaıda, Ernan Krespo 5-mınýtta-aq esepti teńestirip tastady. 7-mınýtta taǵy gol. Qazaqstan quramasynan Andreı Fınonchenko soqty. Oǵan qarymta Álem quramasynan Azamat Ábdiraıymovtan boldy. Esep taǵy teńesti.
Osylaısha kezek almasqan goldar kezdesý sońyna qaraı qarsy jaqqa aýyp, nátıje 7:4 esebimen aıaqtaldy.
«EXPO 2017 Football Cup» týrnıriniń birinshi matchy Qazaqstan men Germanııa quramalarynyń arasynda, ekinshi matchy Italııa men Reseı quramalary arasynda ótip, Otandastarymyz germanııalyqtardy 8:6 esebimen jeńse, reseılikter ıtalııa quramasyn 9:3 esebimen tize búktirgen bolatyn.